Back One Direction ACE ون دايركشن Arabic ون دايركشن ARZ ৱান ডাইৰেকশ্বন Assamese One Direction Azerbaijani وان دایرکشن AZB One Direction BAN One Direction Byelorussian Уан Дайрекшън Bulgarian One Direction BJN

One Direction

One Direction
Datos xenerales
Orixe Londres, Reinu Xuníu Bandera del Reinu Xuníu
Información artística
Xéneru(os) Pop, pop rock y rock
Periodu d'actividá 2010 - anguaño
Sellu discográficu Syco
Miembros
Niall Horan
Liam Payne
Harry Styles
Louis Tomlinson
Enllaces esternos
Sitiu web oficial http://www.onedirectionmusic.com/
Bandcamp 1direction
Discogs 2432320
Facebook onedirectionmusic
Twitter onedirection
IMDb nm4108424
[editar datos en Wikidata]

One Direction (embrivío davezu como 1D) ye una boy band británica-irlandesa formada en 2010 en Londres, Reinu Xuníu, con motivu del programa The X Factor. Mientres la tresmisión del concursu, el quintetu, compuestu entós daquella por Harry Styles, Liam Payne, Zayn Malik, Niall Horan y Louis Tomlinson, foi apadrináu por Simon Cowell. La so formación diose depués de que los cinco integrantes fixeren les sos audiciones y fueren espulsaos de la competición. Tres esto, Nicole Scherzinger, una de les xueces, suxerió que los cinco formaren parte d'un grupu, al que finalmente llamaron One Direction.[1] El grupu finalmente quedó nel tercer llugar del concursu, pero sicasí, Cowell pagó un contratu discográficu con Syco Music pol que pudieren llanzar un discu.[1][2][3]

Nel segundu semestre del 2011, llanzaron el so primer cenciellu, «What Makes You Beautiful», que llogró debutar nel númberu unu de les principales llistes del Reinu Xuníu ya Irlanda.[4] Poro, recibieron dellos reconocimientos, como un Premiu Brit al meyor cenciellu británicu y trés MTV Video Music Awards al meyor artista nuevu, meyor videu pop y videu más dignu de compartir.[5][6] El so álbum debú, Up All Night, llogró debutar na posición númberu unu del Billboard 200 y convirtió a One Direction nel primer grupu británicu qu'algama'l númberu unu col so primer discu na hestoria de la llista.[7] Pa promocionar Up All Night, One Direction embarcóse nel Up All Night Tour, col que dieron estremaos conciertos n'Europa, Oceanía y América. Nel 2012, el so ésitu caltúvose col llanzamientu de Take Me Home, el so segundu álbum. Al igual que'l so predecesor, debutó nel primer puestu del Billboard 200 y fixo a One Direction el primer grupu masculín y segundu en xeneral que llogra algamar dichu puestu colos sos dos primeros discos, darrera de Danity Kane.[8] Tamién llogró'l númberu unu nel Reinu Xuníu, polo que ye'l so primer discu que lo llogra.[4] El primer cenciellu, «Live While We're Young», tuvo una receición comercial superior a la de «What Makes You Beautiful», yá que s'asitió ente los diez más vendíos na mayoría de les llistes musicales, más concretamente, en Nueva Zelanda convirtióse nel primer númberu unu del quintetu.[9]

Más tarde, en 2013, llanzaron el so tercer álbum Midnight Memories, que se convirtió nel más vendíu d'esi añu, con cuasi cinco millones d'unidaes vendíes.[10] D'esti discu, escoyéronse los cenciellos «Best Song Ever», «Story of My Life», «Midnight Memories» y «You and I», que entraron en delles llistes de tol mundu.[11] La xira correspondiente del discu, Where We Are Tour, convirtióse nuna de les más esitoses de la hestoria, con una recaldación de cuasi 300 millones de dólares y una asistencia de tres millones y mediu de persones.[12] El so cuartu álbum, Four, incluyó los cenciellos «Steal My Girl» y «Night Changes». Anguaño One Direction alcuéntrase promocionando dichu álbum col so On The Road Again Tour. En marzu de 2015, en plena xira, Zayn Malik anunció la so marcha de One Direction, mientres el restu del grupu siguiría alantre cola xira y la grabación del so quintu álbum.[13]

  1. ↑ 1,0 1,1 «One Direction Biography» (inglés). Allmusic. Consultáu'l 10 de febreru de 2013.
  2. ↑ Daniel Sperling (12 d'avientu de 2010). «One Direction finish 3rd in X Factor final» (inglés). Digital Spy. Consultáu'l 18 d'abril de 2012.
  3. ↑ Cara Lee (15 d'avientu de 2010). «Simon Cowell snaps up Cher Rebecca and One Direction» (inglés). The Sun. Consultáu'l 18 d'abril de 2012.
  4. ↑ 4,0 4,1 «One Direction on UK» (inglés). The Official Chart Company. Consultáu'l 10 de febreru de 2013.
  5. ↑ «One Direction 'What Makes You Beautiful' wins BRITs 2012 British Single» (inglés). BRITs (21 de febreru de 2012). Archiváu dende l'orixinal, el 30 de payares de 2015. Consultáu'l 10 de febreru de 2013.
  6. ↑ Bruna Nessif (6 de setiembre de 2012). «2012 MTV Video Music Awards: Best & Worst Moments and Full Winner's List» (inglés). E!. Consultáu'l 10 de febreru de 2013.
  7. ↑ Keith Caulfield (14 de marzu de 2012). «One Direction Aiming for Historic No. 1 on Billboard 200 Chart» (inglés). Billboard. Consultáu'l 10 de febreru de 2013.
  8. ↑ Keith Caulfield (20 de payares de 2012). «One Direction's 'Take Me Home' Debuts at No. 1 With Year's Third-Biggest Opening» (inglés). Billboard. Consultáu'l 10 de febreru de 2013.
  9. ↑ «Australian Charts - Live While We're Young» (inglés). Hung Medien (14 d'ochobre de 2012). Consultáu'l 10 de febreru de 2013.
  10. ↑ «IFPI Digital Music Report 2014» (inglés). IFPI (2014). Consultáu'l 28 d'ochobre de 2014.
  11. ↑ «New Zealand Singles Chart - Best Song Ever» (inglés). Hung Medien (26 de xunetu de 2013). Archiváu dende l'orixinal, el 2013-08-10. Consultáu'l 26 de xunetu de 2013.
  12. ↑ Bob Allen (10 d'ochobre de 2014). «One Direction's Where We Are Tour Attended by 3.4 Million Fans» (inglés). Billboard. Consultáu'l 31 de marzu de 2015.
  13. ↑ Justin Myers (25 de marzu de 2015). «Zayn Malik officially quits One Direction» (inglés). Official Charts. Consultáu'l 25 de marzu de 2015.

Developed by StudentB